الزلابية هي حلو تونسي مكوناتو بسيطة عبارة على عجينة مقلية و مشحرة يحبوها كبار و صغار. و تعتبر الزلابية من أكثر الحلويات شعبية و شيوعا خاصة في شهر رمضان الفضيل.
في العشية قبل أذان المغرب يصطفو العباد على فطايري الحومة باش يشريو قريطس زلابية للسهرية. و شهرة الزلابية بلونها الذهبي اللماع و تقرميشتها البنينة ما اقتصرتش على تونس بركا فهي مشهورة زادا في بلدان المغرب العربي و بلدان المشرق مع اختلافات بسيطة في طريقه التحضير و التقديم. بما انو يرجع تاريخ الزلابية للدولة العثمانية و فما الي يقول للدولة العباسية.
و انتوما شكون منكم من عشاق الزلابية؟